Jounen
nasyonal timoun kay Pè Chibly
Engreed
Joissaint
Jou
ki te dimanch 13 jen 2004, nan etablisman Pè Chibly
nan lokalite Aviasyon, plizyè timoun te reyini pou
fete jounen nasyonal timoun yo.
Nan okazyon sa a te gen plizyè aktivite kitirèl
ak espòtif pou mete ambyans tankou : foutbòl,
dans, teyat, chanson, elatriye…
Te gen tou yon Konferans avoka Frantz Comonce te bay sou tèm
: Devlopman timoun ak akò sou dwa timoun.Nan entèvansyon
l nan, li te fè yon istorik sou akò ak jounen
nasyonal timoun.
Akò sou dwa timoun nan te siyen nan ane 1989 pa plizyè
chèf Leta ak gouvènman nan lemonn e li te siyen
pa gouvènman ayisyen an nan ane 1990 nan asanble jeneral
Oganizasyon Nasyon Zini (ONI).
Palman ayisyen an te dakò ak li nan mwa desanm 1994
e gouvènman an te plibliye l nan jounal ofisyèlpeyi
a kise Le Moniteur nan dat 13 mas 1995.
Pou sa k konsène jounen nasyonal timoun yo , li te
pran nesans nan ane 1960 sou pwopozisyon yon asosyasyon ke
te rele : Asosyasyon zanmi timoun pòv yo k ap viv andeyò.
Asosyasyoon an te ekri chanm Depite a ki ,bò kote pa
l, pa t pran anpil tan pou aksepte lide sa a e ki te vin jwenn
tou akò Prezidan François Duvalier.
Toujou pou pote kole ak pwopozisyon sa a , chanm Depite a
te fè sòti yon lwa nan dat 19 me 1960 ki te
gen ladann 4 atik. N ap site premye: chak dezyèm dimanch
mwa jen, n ap fete jounen nasyonal timoun yo nan peyi Dayiti.
Men sa kèk timoun nou te entèvyouve di nou sou
zafè dwa timoun
Suze marie Loudy: "Mwen trè satisfè de
jounen sa a paske mwen wè gen moun ki sonje nou menm
timoun e yo respekte dwa nou"
Jean Marc Dieumercy : "Jounen nasyonal timoun yo se yon
jou trè espesyal nou genyen e nou dwe patage l chak
jou nan vi nou. Jan bandwòl la di l timoun jodi granmoun
demen. Se apati de jodi a pou nou kòmanse "
Retounen |
Monte |
|
