Kontribisyon ti moun yo

VDH entèrese ak Fanm
Jeannette joassaint:Timoun Jounnalis
Cayes-Jacmel

Plan Parenaj ak Volontarya pou devlopman Ayiti (VDH) klotire yon semine li t ap òganize pou 100 manman ak gadyèn jèn fi 16 avril 2004 nan meri Jakmèl. Seminè sa a te fèt sou planin familyal, gwosès avan lè ak egalite ant fi ak gason. Pwojè sa rele girls first (fanm yo avan).
Nan okazyon sa a responsab VDH la, Anoux Descartes mande manman yo pou aprann respekte dwa timoun yo. Dapre li sa k ap fè jèn fi yo viv pi pre manman yo. VDH swete pou fanm sa yo al pale zafè seksyalite a nan zòn lakay yo.

Fòmatè yo ki t ap pale ak medam yo mande yo pou fè fòmasyon andedan kay sou seksyalite yo. Fè jèn fi yo konnen pati nan kò yo ak fason pou yo pwoteje tèt yo kont tout maladi yo ka pran nan fè bagay ak maladi sida

Patisipan yo pwomèt yo pral travay ak timoun yo nan lekòl, nan vwazinaj ak nan legliz. Yo swete pou VDH kontinye ak fòmasyon sa a.

Nan kloti seminè sa a te gen prezans yon responsab Plan Parenaj Joanne Garnier Lafontant ki di pwojè "Girls First" la gen plizyè fòmasyon ladann. Yon fason pou pale yo de egalite ant fi ak gason. Sa k ap fè tout jèn fi yo konnen dwa yo nan sosyete a menm jan ak gason.

Responsab la swete gen lòt fòmasyon ki fèt ankò. Seminè sa a te deroule sou 26 jou. L ap te gen pou rekòmanse nan mwa me a .

Retounen

Monte