|
Extrait d'émissions Emission 8 TEM SIDA SIJE ABA SIDA Premye pati Animatè 1 Bonjou Lumencie ! n ap kenbe ! Animatè 2 Bonjou Kensly ! nou toujou anfòm, sitou se moman pou nou prezante emisyon nou renmen anpil la : Pawòl Timoun. Animatè 1 Jodi a n ap prezante 6e emisyon nou sou maladi SIDA. Nou kòmanse vanse nan pwogram nou. Mwen kwè ni granmoun, ni timoun kòmanse pran konsyans. Animatè 2 Se sa n ap chèche Kensly, maladi sa a tèlman ap fè ravaj, fòk nou goumen jis mayi mi pou nou menm ansanm ak lòt yo pa viktim. Animatè 1 Nan dènye emisyon an nou te pale sou kalite pwoblèm SIDA kapab bay nan yon kominote. Pwoblèm yo anpil : lapèrèz, dezespwa, pwoblèm moral, pwoblèm ekonomik, moun k ap mouri, anpil moun k ap itil kominote a k ap disparèt anba maladi sila a, pwoblèm imilyasyon ( sa yo rele stigmatizasyon an ), elatriye. Animatè 2 Jodi a n ap mande moun yo di ABA SIDA ! SIDA ou fè twòp ravaj nan mond lan. Animatè 1 Nan emisyon an, n ap pale sou divès kalite enfeksyon yon jèm SIDA kapab pote nan kò nou, pou fè nou malad. N ap pale sou divès etap yo osinon kòman yo devlope lakay moun. Animatè 2 Jodi a nou pral pale sou mobilizasyon kont maladi SIDA ; n ap prezante l sou fòm dyalòg nan mitan yon rankont ak peyizan anba savann. Moun yo ap chita pale ak doktè Jules, Miss Fara ak lòt moun ankò. Dezyèm pati Jan Mak Mezanmi lè a rive pou n al fè yon ti chita pale sou mobilizasyon kont SIDA paske maladi sa a bay anpil pwoblèm nan peyi Dayiti. Anita Mezanmi Jan Mak, lè a rive pou n al kòmanse ti chita pale a. Doktè Jules Envite yo bonjou, nou kontan anpil pou nou reyini la a pou nou kapab fè ti chita pale sa a. Nan jounen jodi a n ap gen mwen menm ak Mis Fara ak lòt fòmatè ankò pou nou bay plis enfòmasyon sou maladi sa yo rele SIDA. Mis Fara Nan jounen jodi a, n a va enfòme plis de maladi sa a. Mis Klodyan Nou trè kontan jodi a pou nou fè ti chita pale sa a sou SIDA : kisa SIDA ye ? SIDA se yon Viris yo rele VIH ki rantre nan san yon moun. Anita Mis, eske bèt pa konn gen SIDA? Miss Daprè fòmasyon ke m pran, yo di m ke bèt pa pran maladi sa a. Ban m pase mikwo a bay doktè Jules. Doktè
Jules
Jodi a se avèk kè kontan m ap di tout moun anba Savann
bonjou. Kòm mis Claudianne deja defini kèk pwen avèk
nou, pa egzanp kisa SIDA ye? E ke se sèl moun ki kapab pran
n. Mis Fara Mwen menm Mis Fara, jodi a mwen vin isit la pou m bay anpil konsèy sou maladi sa a paske nan peyi nou an, yo jete epi meprize moun ki enfekte ak maladi sa a. Kòm doktè Jules, mis Fara ak mis Claudiane te pote anpil enfòmasyon pou nou, n ap di senpleman : yon moun ki enfekte ak maladi SIDA se pa yon moun pou yo jete, se yon moun tankou tout moun, se yon moun ki ka jwenn djòb tankou moun e se pa yon moun yo ka mete apa. André Yon moun ki enfekte ak maladi sa a, ou ka bwè dlo nan men l tankou tout moun, sa pa vle di si ou bwè dlo nan men l w ap gen SIDA, si ou chita sou menm chèz avèk li ou kab pran SIDA non ! se pou sa nou sot pote anpil enfòmasyon sou maladi sa a e nou rete kwè nou p ap di sa pou nou pa di ankò. Anita Nan refleksyon jodi a nou sot tande anpil enfòmatè ki sot pote pou moun yo anpil enfòmasyon sou mobilizasyon de maladi SIDA kap fè ravaj nan peyi nou an. Nou rete kwè nan leson ki sot bay yo, sa ki ponkò enfekte yo va pridan. Animatè 1 Nou sot viv yon ti chita tande kote moun yo santi se yon nesesite pou yo òganize yo, pou yo mobilize kont SIDA. E pa vre Lumencie? Animatè 2 Se yon aksyon ki pozitif moun yo ap fè. Lòt moun ak lòt òganizasyon yo ta va dwe swiv egzanp sa-a. KONKLIZYON Animatè 1 Emisyon nou an rive nan bout li jounen jodi a, nou pa ka rete fòk nou ale. Animatè 2 Jodi a nou t ap montre enpòtans pou tout moun mobilize kont maladi SIDA. Animatè 1 Se sèl mwayen pou nou di ABA SIDA. Tout moun ka pran l, tout moun ka viktim. Animatè 2 Emisyon jodi a te fè nou aprann anpil bagay sou pwoblèm enfeksyon maladi SIDA ka rale sou nou. Animatè 1 n ale, n a wè yon lòt jou.
|
