Granmoun
ann di wi pou timoun yo
Pa:
Jeanel ODNEY
Lè m gad Nan peyi m ak nan lòt
peyi
Pou kèk sa k ap pase se pa ditou yon plezi
Granmoun ki jounen jodi k ap soufri
Ak vye vyolans mal y ap sibi …
Tout se pandan yo te tou piti
K aji sou yo pandan yo fin grandi
Lè n gad Timanno ki te vle pati
Al pase yon moman nan yon lòt peyi
Pou sa k rive l, anverite mwen sezi
Mwen sezi ! mwen sezi ! mwen sezi ! m ap reflechi
Pou dat Timanno ap travay tè
M te ka di l plis ke yon notè
Pou m pa ta di pou dat li sou tè
Pou l pa janm gen yon batistè
Koze sa yo nou pa dwe rete je louvri ap gade
Ni bwa kwaze ak zòrèy louvri ap tande
Se pou nou menm granmoun
Nou met tèt nou ansanm
Pou nou di wi pou timoun yo !
Pandan nap evite fè yo abi,
Pandan nap envite lòt moun nan lòt peyi,
Bay timoun yo batistè depi lè yo fèt,
Okipe yo nan swen medical,
Ledikasyon AK kote Pou yo rete,
Bay yo libète pou yo jwe,
AK pale koze ki entèrese yo.
Tout se pou nou panse ak dwa timoun yo
E devwa nou tou anvè timoun yo
Ebyen se pou nou fè yon chenn
Granmoun, jèn pou n di wi pou timoun yo !
Retounen |
Monte |
|
