Par: Rodelin Exavier
Timoun Jounalis
Fort-Liberté

La sante enpòtan anpil pou fonksyonman kò nou. Li pèmèt moun viv plis tan, konsa la sante kontribye anpil nan devlopman yon peyi. Se youn nan dwa tout timoun gen sou latè pou yo jwi bon kondisyon la sante, pou yo manje byen, pou yo jwenn bon jan dlo pwòp.

Tout timoun dwe jwenn lasistans doktè ak pwoteksyon kont tout vye maladi ki kapab mete lavi yo an danje, men malgre sa anpil timoun pa

benefisye dwa sa a akoz pa gen ase doktè, men pi gwo pwoblèn nan. Konbyen timoun ki mouri chak ane paske paran yo pa gen lajan pou yo ale konsilte doktè? Pi gwo ènmi lasante se la mizè.

Nou dwe travay pou fè timoun yo jwi pi bon la sante ak pou yo jwenn bon manje ki nesesè pou devlopman kò yo. Anpil timoun pa devlope paske yo pa manje ase ou paske yo pa toujou manje manje ki bon pou yo. Manman ak papa pitit bezwen resevwa enfòmasyon sou avantaj lèt manman, nitrisyon ak ijyèn.

Responsab la sante bezwen panse konstwi plis dispansè, plis lopital pou amelyore kondisyon la sante ann Ayiti. Jèn yo bezwen bon jan enfòmasyon sou viris ak maladi SIDA k ap ravaje lemonn e ki rann anpil timoun san manman, san papa.

Fòk nou pa bliye malgre timoun gen dwa jwenn la sante, nou gen devwa pa nou pou'n fè pou nou kapab viv an sante tankou: pa bwè alkòl, pa pran dwòg ak lòt bagay ki ka mete lavi nou an danje.